Os pitufos do Curros

Venres de desfile

2012-02-17T12:48:00.002-08:00

O xoves de entroido

2012-02-16T07:42:00.000-08:00

O mércores de entroido

2012-02-15T13:05:00.001-08:00

O martes de entroido

2012-02-14T07:11:00.001-08:00

Semana de entroido

2012-02-13T12:44:00.003-08:00

Chega o entroido e o tempo de troula. O Meco chegou hoxe a colexio para dicirnos como vir vestidos durante toda a semana.

O noso barrio

2012-02-13T12:19:00.001-08:00

Tras coñecer un pouco máis sobre o barrio de Monte Alto fixemos un mural recollendo o máis interesante a través de fotografías, mapas e símbolos. Aquí volo deixamos:

Tamén atopamos unha reportaxe en internet sobre o barrio, no que puidemos ver algúns espazos públicos, coma o parque de Marte; edificios emblemáticos, como a Casa do home, o Aquarium, a antiga cárcere ou a Torre de Hércules; algúns comercios da zona; e mesmo o noso colexio. (Podédeslle votar unha ollada no seguinte enderezo)

http://www.crtvg.es/tvg/programas/o-meu-barrio

Os oficios

2012-02-08T06:11:00.000-08:00

Tras deixar atrás o proxecto dos inventos, estas semanas estamos a traballar arredor do tema dos "Oficios do noso barrio".

Hoxe tivemos o privilexio de ter unha visita moi especial: 4 traballadores/as viñeron a nosa aula a explicarnos en que consistía o seu oficio. Os peques fixeronlles unha morea de preguntas.

Como vedes viñeron vestidos coa súa roupa de traballo e trouxeron os utensilios que empregaban para facer a súa labor (mesmo nos fixeron algún que outro agasallo).

Moitas grazas por visitarnos e a Paco por facelo posible!

Contacontos na Biblioteca do cole

2012-02-02T10:37:00.000-08:00

Con gran estusiasmo e emoción escoitamos e representamos un fermoso conto dun bárbaro dragón e unha plácida bolboreta. Qué grandes artistas! Algun/ha ven pode adicarse ao teatro cando sexa maior.
Poderedes ver proximamente as fotos dos rapaces no blog da biblio.

O Cómic

2012-02-01T06:54:00.000-08:00

Como sabedes este Entroido a temática que eleximos é "Os persoaxes de cómic", por iso estamos traballando estes días as características e peculiaridades dos cómic: a organización do texto, a secuenciación en viñetas, o emprego das onomatopeias, o emprego de máis debuxo ca texto, etc

Deixovos a páxina coa aplicación que empregamos na clase para crear viñetas. É moi completa pero pódese adaptar aos máis pequenos. Se algún quere repetir que faga clic na imaxe.

O leiteiro "L" e a señora da montaña "M"

2012-01-31T14:15:00.000-08:00

Fai uns meses o leiteiro "l" chegou a nosa clase para falar coa familia real. Nos tamén aprendimos a falar como él colocando a lingua detrás dos dentes superiores "lllll".

E despois de aprender o seu trazo, quixemos facelo de plastilina. Mirade que leiteiros máis elegantes:

Esta semana chegou á nosa aula a señora "M" e contounos a súa historia e ensinounos a falar como ela, pechando a boca e xuntando os beizos.

Xa temos dous persoaxes máis no noso país das letras.

E para os que queiran xogar na casa, deixovos este xenial jclic:

Celebración do día da paz

2012-01-30T11:40:00.000-08:00

Saímos ao patio todos xuntos e soltamos globos blancos. Para os de infantil houbo palomitas de maiz. Ummm!!!

Día da paz

2012-01-29T13:16:00.000-08:00

Con motivo da celebración do día mundial da paz, o 30 de xaneiro, trouxemos á aula este fermoso conto en verso que achega aos máis pequenos ao sentido desta conmemoración e a importancia de vivir en PAZ. Botádelle un ollo!La paloma mari paz
E esta será a canción que cantaremos con todas as demais persoas do cole.

Os euros

2012-01-26T13:06:00.000-08:00

Coñecimos e aprendimos a usar a nosa moeda, o euro, mercando e vendendo no noso supermercado da aula. Agora xa están preparados para ir de compras, eso sí, so con moedas de 1euro para evitar confusións.

Novos inventos

2012-01-25T06:01:00.000-08:00

O espiritu inventor segue a estar presente na nosa clase. Mirade o que nos trouxeron estes "pequeinventores".

O brillante robot Carlos III Limpiador creado por Víctor

E o supersónico avión inventado por Alexandra

Saída á biblioteca de Monte Alto

2012-01-24T10:21:00.000-08:00

Xa sabemos como se plantan os TULIPÁNS!!
Como sabedes, fai unhas semanas que nos chegou unha carta á aula cun bulbo desta flor, pero ningún de nos sabía como plantalo.Así que decidimos buscar información. E que mellor sitio que a biblioteca do barrio.

Alí puidemos coñecer:
- onde estaban os libros de información
- os pictogramas que tiña cada grupo de libros segundo o tema
- onde estaban e cales eran os libros adaptados á nosa idade

E mesmo nos deixaron clasificar libros e poñerlles as pegatinas dos pictogramas.

Ao rematar deixaronnos ver os libros.

Tamén nos dixeron que podíamos voltar cando queramos, estarannos agardando. E de regalo para a clase: UNHA MACETA!!
Agora sí que podemos plantar o tulipán! Estamos ansiosos por saber cal será a súa cor.

O inverno

2012-01-20T14:24:00.000-08:00

Parece que chegou o inverno, e por se non chega a neve á Coruña, nos fixemos o noso propio boneco no pasillo.

Saída ao MACUF

2012-01-20T14:22:00.000-08:00

Aquí tedes o super resumo da nosa deliciosa excursión. Qué vos contaron os peques? A nos gustounos moito. Ummm!!!

Saborosos sustos

2012-01-20T01:10:00.000-08:00

Saímos de excursión ao MUSEO DE ARTE CONTEMPORÁNEO da Coruña. Alí experanos unha sorprendente visita. Os que queiran curiosear un pouquiño poden picar na imaxe é ver o contido da actividade, senón agardade a que os peques o conten.

Despedida Cintia

2012-01-18T13:34:00.000-08:00

Hoxe o día foi dedicado a CINTIA, pois deixa o cole, e coa súa ida quedará un gran vacio.
Os nenos/as xa comezaban a votala de menos esta mañá, e iso que aínda non se fora. Boa viaxe!

O baúl terrorífico

2012-01-18T12:45:00.000-08:00

O baúl terrorífico chegou a nosa aula, dentro ten unha morea de contos para morrer de medo...Aínda que aos peques poucas cousas lles asustan. O conto da Bruxa Maruxa e o do Vampiro Laurelio, foron os elexidos para escoitar. Uhhhhhhhhh!!!!!!!!

A isla dos inventos

2012-01-17T13:16:00.000-08:00

Na hora de lingua tocou mollarnos, a través dun conto sobre a isla dos inventos, que preparou o profe Paco, os peques foron realizando diferentes experimentos coa auga. Ao final, todos obtiveron o carnet de inventores.

- Fixeron saír a superficie a un submarino (ovo) engadindo sal.
- Comporbaron o movemento do submarino cunha élice.
- Descubriron que obxectos flotan e cales non.
- E compararon o peso de diferentes obxectos.

Todo iso para poder pasar as probas requeridas para ser inventores, e parece que o obxectivo está conseguido!

Robotiña Pena

2012-01-17T13:06:00.000-08:00

Robotín xa ten compañeira!!Qué gran alegría cando hoxe Pilar trouxo a aula un robot "chica", a parexa perfecta para Robotín!

Houbo presentacións e todo, e logo de analizalas diferencias entre os dous, parece que se gustaron.

É unha robot "salva vidas" e ademais é medio humana, pois ten corazón, pulmóns e cerebro. Qué gran creación!Noraboa!

Os demais peques, non vos preocupedes, pronto poderedes crear o voso propio invento. A caixa de material para a reciclaxe medra cada día mais, os nenos/as non deixan de traer todo o que xa non lles é útil, e algúns ata gardan os botes dos lácteos que traen para a merenda. Gran traballo amig@s!

O libro dos inventos

2012-01-16T12:49:00.000-08:00

Os nosos pequenos investigadores están estes días recopilando información sobre o invento que cada un elexiu. Pouco a pouco van chegando ao cole os estupendos traballos que van elaborando coa axuda das familias. Un gran traballo!

Con todas as follas confeccionaremos o LIBRO DE INVENTOS DA AULA. Os nenos están aprendendo un montón e cada vez máis ilusionados.

Bulbos de tulipán

2012-01-15T12:34:00.000-08:00

O venres chegou ao cole unha carta destinada aos nenos e nenas de 5 anos. Ao parecer, procede dun invernadoiro e contén un pequeno agasallo.
O "mestre regadeira"envíanos uns bulbos de tulipán procedentes do seu invernadoiro para que os plantemos na aula.

O problema é que nos non sabemos como se plantan, que coidados precisan, en que época xerminan...

Despois de moito pensar ocorreusenos a GRAN IDEA de visitala biblioteca do barrio para buscar información.

Este é o motivo da nosa visita a biblioteca o próximo MARTES 24. Esperamos atopar respostas!

Analizamos novas do xornal

2012-01-11T13:52:00.000-08:00

Hoxe Ramón trouxonos unha noticia do xornal que lle chamou moito a atención e que quixo comentar con nos.
Tratabase de abellas que se convertían en zombis debido a uns parásitos.A noticia completa podedela leer no seguinte enderezo: http://www.lavozdegalicia.es/noticia/sociedad/2012/01/05/parasito-convierte-abejas-zombis-matarlas/0003_201201G5P28995.htm

A verdade é que a noticia deu para moito, coñecimos o que eran os parásitos, o que producían as abellas, as consecuencias de tal suceso, a ubicación de Estados Unidos no mapa, ...e ata nos aventuramos a buscar posibles solucións: desde inventar unha máquina que atrape os parásitos como propoñía Antonio; buscalos coa lupa que Xiana ten na casa; escondelas abellas na casa de Daniel; ata pedir axuda aos científicos.
E que estes peques teñen solución para todo.

Os inventos

2012-01-10T13:48:00.000-08:00

Comezamos novo trimestre coas pilas xa cargadas despois das vacacións de nadal. Esta mañá tivemos unha sorprendente visita:

"Robotín, o robot parlanchín" veu visitarnos e quedará connosco unhas semanas, con el damos comezo ao novo proxecto: "OS INVENTOS" co que aprenderemos máis sobre:
- as máquinas e inventos do noso contorno
- os grandes inventos da historia e os seus inventores
- a importancia dos inventos na nosa vida
- como construir unha máquina e que precisa para funcionar

Tamén se propuxo a recopilación de material de reciclaxe na aula para ao finalizar a unidade facer un taller de inventos.

O meu regalo

2011-12-27T09:16:00.000-08:00

Queridos grandes e pequenos:
Este nadal quero facervos un regalo. Algo:

GRANDE

FORTE

DULCE

SUAVE

QUENTIÑO

QUE FAI VOAR

QUE SE MOVE DUN LADO A OUTRO

QUE SACAS SORRISOS

E QUE DURA MOITO TEMPO

Xa sabedes o que é?

Picade AQUÍ para poder velo. Gustouvos?

Os mellores regalos están sempre máis preto do que nos parece. A idea está inspirada no fantástico libro: El regalo de Gabriela Keselman, que vimos na aula.

A actuación de nadal!

2011-12-24T13:11:00.000-08:00

Para tod@s aqueles que non poideron ver aos peques en directo, deixovos o vídeo. Aínda que a audición é moi mala, vale a pena ver a ilusión nas súas miradas.

Tradicións de Nadal

2011-12-24T07:44:00.000-08:00

E aquí van os resultados do proxecto deste mes: "As tradicións de nadal":

A familia de Roi ensinounos este fabuloso calendario da época navideña que fixeron na casa. Está moi ben! Na clase fixemos un parecido e aos nenos/as encantoulles. Non paraban de abrir as ventás para ver os acontecementos. Así que anímovos a facelo voso propio!

Non deixedes nunca de compartir as vosas ideas connosco.

Concurso de postais

2011-12-22T05:51:00.000-08:00

Noraboa ás gañadoras do concurso de postais:
- Na categoría de Infantil: Pilar, que nos sorprendeu cunha orixinal tarxeta navideña de papa noel.

- Na categoría de pais e nais: Begoña (nai de David) cunha creativa tarxeta co tema "Os reis magos percorren as casas do mundo". Xenial a idea! E oxalá cheguen a todas elas.

Unha vez máis grazas a todos por participar!

Obra de teatro

2011-12-22T05:19:00.000-08:00

Por fin o día tan esperado da función chegou. Deixo algunhas fotos da representación da obra, a espera de poder conseguir o vídeo. Espero que disfrutarades con ela, foi unha lástima que non se escoitara mellor porque os peques fixerono xenial.

(Os que teñades fotos ou vídeos enviademos para compartilos coas demais familias, graciñas). Un saúdo

Os reis magos entran a nosa clase

2011-12-22T05:09:00.000-08:00

Amodiño, amodiño os Reis colaronse no cole o martes 20 para falar cos nenos e nenas e desexarlles unhas boas festas. Vaia sorpresa!

Festival de nadal

2011-12-19T06:29:00.000-08:00

PROGRAMACIÓN

11:00 Ed. Infantil (3,4 e 5 anos) canta en inglés "Jingle bells".
11:10 Ed. Infantil (3 anos) canta a panxoliña "Ande, ande", coa colaboración dos nenos/as de 6º de E. Primaria.

11:20 –Ed. Infantil (4 anos) cantan a panxoliña “Buscando unha estrela”.

11:30 –Ed. Infantil (5 anos) representan a obra de teatro “Una extraña navidad”.

11:50 -Os nenos/as de 1º A e 1º B de E. Primaria cantan a panxoliña: “O abeto está baleiro.”

12:00 -Os rapaces e rapazas de 2º A e 2º B de E. Primaria interpretan a panxoliña: “Ea Nana Ea”.

12:10 -3º de Educación Primaria canta a panxoliña: “Zumba, zúmballe ao pandeiro”.

12:20 - 4º A e 4º B interpretan a panxoliña: “Vinde galegiños, vinde”, logo da actuación instrumental que Sabela, Eva e Inés fan da panxoliña "Jingle bells".

12:30 - 5º de E. Primaria tocan a panxoliña: “O tamborileiro”.

12:40 -6º de E Primaria tocan a panxoliña: “Adestes Fideles”.

O final do festival entregaranse os premios aos gañadores do Concurso de Postais de Nadal e da Biblioteca.

Calendario 2012

2011-12-15T06:25:00.000-08:00

E como prometera...aquí tedes un adianto do calendario que este ano deseñou o colexio. Aínda que máis ben parece a campaña de primavera-verán do Corte Inglés, están graciosísimos.

Visita do carteiro real

2011-12-14T14:46:00.000-08:00

Postais navideñas

2011-12-12T12:47:00.000-08:00

Agora que se achega o período de vacacións propoñovos un intercambio de postais navideñas entre os rapaces/zas da clase. Seguro que lles fará ilusión ver que no seu buzón hai unha carta para eles, e máis aínda se é dun dos seus compañeiros/as.

A proposta consiste en que cada neno/a traia a escola un sobre cun sello. Cubrirase o apartado do destinatario co nome, apelidos e dirección postal do neno/a, podedes deixar que o fagan eles. E deixarase sen cubrir o apartado do remitente.

Na aula elaboraremos as postais e meteremolas nos sobres para levalas a correos. Pero shhhhh!!!!non lle digades nada aos peques.

A obra de teatro de nadal

2011-12-05T13:26:00.001-08:00

Estes días estamos moi atarefados ensaiando a obra do nadal. Queredes saber de que vai? ou xa volo contaron os peques?

Deixovos estos debuxos das escenas debuxados polos propios nenos/as.

1º Escena 2º Escena

3º Escena 4º Escena

Visita de Papá Noel

2011-12-05T13:21:00.001-08:00

O mércores 14 visitará o noso cole o home das barbas brancas e o traxe vermello. Que sorte!
Durante a semana que ven escribiremos na clase a carta para poder entregarlla en man.
(Se tedes na casa folletos de xoguetes podedes traelos á aula)

Chega o nadal

2011-12-04T08:04:00.001-08:00

O espíritu navideño comeza a facerse notar. Este venres David ensinounos como celebraba cos seus estas festas. Un bo resumo das nosas tradicións.

Sara trouxonos unha proposta de ocio para os festivos e fins de semana, coa programación do Teatro Colón.

E entre todos comezamos a adornar os pasillos, cunha árbore xigante e un boneco de neve.

RECORDADE QUE HAI COLE LUNS, MÉRCORES E VENRES DA SEMANA QUE VEN.

1 de decembro

2011-12-01T06:33:00.001-08:00

Comezamos a asamblea cun divertido e orixinal libro "Cuidado con la rana". Narra a historia dunha velliña encantadora chamada Desazón Zozobra que vive ao lado dun bosque negro como a boca dun lobo. No seu xardín habita unha ra especial que a defende dos inesperados perigos e bichos subrealistas. Pero un día, ocorre algo inesperado...sólo vos digo que ¡Coidado coa ra!

Despois traballamos coas figuras xeométricas: círculo, cadrado, restángulo e cadrado e as súas características. Podedes aproveitar estes días para xogar con eles e repasalas, algúns ainda dubidan. Deixovos un enlace:
http://www.juntadeandalucia.es/averroes/carambolo/WEB%20JCLIC2/Agrega/Infantil/Encaja/contenido/contenido/a_aa01_10vf.htm

E para finalizar o día coñecimos un revolucionario pintor, Andy Warhol, a través do cal puidemos traballar o contraste das cores. Víctor, encargado do día, ensínanos o cadro que nos elaboramos.

Tarxetas de nadal

2011-11-30T14:18:00.000-08:00

O colexio, como todos os anos, organiza un concurso de tarxetas de nadal para alumnos/as e pais/nais. Todos os que vos animedes a participar, pedideme, a través dos nenos/as, cartolinas brancas. O día do festival de nadal entregarase o premio a cada categoría.

Novas da semana

2011-11-30T14:04:00.000-08:00

Icía e Xiana trouxeronnos un libro de adiviñas de animais que nos gusta moito. Cada día lemos un par delas e aos nenos encántalles. Parece que lle colleron o gusto a iso de adiviñar.
Tamén nos agasallaron cun autógrafo que a sirenita lles firmou na entrada do musical que foron ver, e mesmo sacaron unha foto con ela. Qué chuli! Eu tamén quero unha! (Aínda que xa me informaron de que aínda estamos a tempo de ir a ver o da "Cenicienta")

Coñecimos a familia de Ainhoa, ollando unha chea de fotos.

E Pilar síguenos sorprendendo cos seus contos. Esta vez o de "Mil y una noches"

Damos xa por finalizado o proxecto da casas e da familia, para deixar paso ao nadal. Este é o mural que tivemos exposto no noso pasillo:

Chega decembro

2011-11-29T08:56:00.001-08:00

E co novo mes comezamos a derradeira unidade de este 1ºtrimestre. Por iso, durante esta semana levarán de volta os traballos e fotos sobre a casa e a familia.

Coa chegada dun novo mes comeza unha nova época de celebracións, o nadal. E precisamente ese é o tema arredor do que imos a traballar: As tradicións de nadal.
Por iso, unha vez máis os animámosvos a que colaboredes amosándovos como celebrades estas datas na vosa familia, pobo ou cidade (actividades familiares que realizades durante a época, forma de celebración, decoración, comidas, doces favoritos, vestimenta, etc ). Podedes traer fotos da decoración da vosa casa, recortes dos alimentos típicos, debuxos navideños, información oral de calquer anécdota, curiosidade ou de aquilo que queirades compartir con nos, contos,etc

(As fotos ou calquer outro material tamén o podedes enviar ao meu correo e vémolo dende o ordeador da aula. Para que non teñades que revelar, nin imprimir. )

Dende o cole comezamos xa cos ensaios da obra de teatro que representaremos no festival e en breves cos adornos navideños.

Día de verán en pleno outono

2011-11-25T06:27:00.001-08:00

Para comezar, unha sesión de adiviñas, o mellor era como razoaban o porqué da solución. Souperonas todas.Qué grandes xenios!

Despois elaboramos tarxetas de Nadal, pois todos os anos o colexio participa no concurso de postais navideñas que organiza o Museo Militar da Coruña. E este ano, como xa somos máis maiores, nos tamén participamos. Deixovos a información que nos chegou:"A entrega de permios e do diploma de recordo serán entregados no Museo Histórico Militar o día 15 de decembro de 2011, as 17:30 horas, nun acto público ao que poderán asistir familiares, amigos e compañeiros dos participantes. Os traballos seleccionados decorarán as salas do museo dende o 22 de decembro ata o 9 de xaneiro de 2012."

E ao finalizar o recreo......VISITA Á PRAIA!Descubrimos que o cole ten unha praia secreta!
E aínda que non saímos do colexio, pasámolo en grande, foi coma unha excursión de verdade. As fotos quedaron xeniais.Grazas pola gran colaboración! Intentarei consigir infiltralas antes de que saían publicadas no calendario, pero shhhh, vos non digades nada!

Visita á fábrica de patacas

2011-11-24T06:20:00.001-08:00

Aquí tedes un pequeno resumo:

Saída á fábrica das patacas

2011-11-22T14:23:00.001-08:00

Os peques están inquedos coa primeira saída do ano, e por iso decidimos aproveitar o seu interese e traballar cousas como: os días que faltan para ir, o concepto de mañá e pasadomañá, o número de nenos que imos ir, as prazas que ten que ter o autobús para que collamos todos, etc.

Sairemos o xoves a primeira hora da mañá, polo que rogamos puntualidade. A volta será para á hora da merenda aproximadamente.

O día de hoxe

2011-11-22T13:57:00.001-08:00

Comezamos a mañá xogando con sopas de letras, distinguindo números e letras; e maiúsculas e minúsculas. O mellor da clase foron os comentarios dos pequenos. Uns dicían que había letras maísculas, minúsculas e tamén cousas raras. Outros engadían que esas cousas raras eran letras musicais. E algún ata se atreveu a dicir que a "f" e a "b" eran letras das partituras. E en realidade, os cativos moi enganados non andaban, porque o seu parecido tiñan.

Despois traballamos conceptos matemáticos e rematamos cun xogo de iniciación á oca e o parchis co que pasaron un ratiño moi entretido. O seu obxectivo era consolidar a asociación de cantidades coa súa representación numérica. Dentro de moi pouco estaremos preparados para xogar ao parchis por grupos.

E para finalizar a mañá....contamos ADIVIÑAS! A verdade é que os nenos e nenas sabían un lote delas, algunhas dÍfíciles de solucionar. Podedes aproveitar estes días para contarlles algunha (ou viceversa), estaremos ansiosos por atoparlle solución.

Novo compañeiro

2011-11-21T13:05:00.001-08:00

Temos novo compañeiro, chámase Antonio e chegou hoxe. Benvido!

As casas do mundo

2011-11-21T12:30:00.001-08:00

Como sabedes ao longo deste mes estivemos a coñecer casas de diferentes partes do mundo, e como guinda do aprendido, hoxe construímolas nos mesmos empregando diversidade de materiais (teas, palillos, algodón, barro, purpurina, auga, ceras, azucre...) según a casa escollida. Aquí tedes un pequeno resumo do que fixemos:
Casas do mundo on PhotoPeach

Calendario 2012

2011-11-21T12:15:00.001-08:00

Estamos de noraboa!
Fomos os seleccionados para confeccionar o calendario de bolsillo que edita todos os anos o colexio. Cada curso de educación infantil caracterizará unha das 4 estacións. A nos tocounos o verán, aínda que queda un pouco lonxe. A idea dos mestres/as é facer unha foto cos nenos/as vestidos e equipados con obxectos representativos da estación. Por iso, unha vez máis pedimosvos a vosa colaboración para que este venres 25 cada neno/a traia á escola (gardado nunha bolsa):

- unhas gafas de sol, ou de buceo (para tapar a cara)
- un sombreiro de palla, ou unha pamela (tamén usaremos as que xa teñen na escola)
- e o que queira pode traer outro accesorio (abanico, pala ou cubo, flotador, aletas, etc) que se vos ocorra.

Os sentidos

2011-11-17T06:29:00.001-08:00

Para empezar ben a mañá fixemos un xogo para poñer a proba os nosos sentidos, sentados na alfombra e cos ollos tapados, cada un dos peques tentou descubrir o obxecto que lle poñíamos nas mans. Algúns foron máis difíciles de adiviñar, pero grazas as boas pistas que lle daban os compañeiros conseguirono sen problemas.
E aínda que non temos fotos do momento pois requería moita concentración por parte de todos, sí dalgúns obxectos.

Logo, coa pizarra dixital coñecimos un pouco máis sobre cada un dos 5 sentidos, podedes vixitar de novo a páxina picando na imaxe:

Aínda que hai moitas máis que tamén son interesantes:
Pelayo y su pandilla:
http://nea.educastur.princast.es/repositorio/RECURSO_ZIP/1_ibcmass_u04_indentidad/u04/index.html
Crezco feliz: http://recursostic.educacion.es/primaria/alquimia/web/a/00/animaciones/a_fa01_01.html

Despois, centrámonos no sentido do tacto, aprendendo a diferenciar entre liso-rugoso-ondulado; duro-brando; suave-áspero; agradable-desagradable, etc. a través dun panel do tacto caseiro. Foi unha experiencia divertida.

A última hora da mañá rematámola facendo carteis, pero esta vez de venta de casas. E aínda que algún non lle gustou moito a idea de vender a súa casa, foi unha boa forma de practicar o vocabulario traballado (tipo de casa, dependencias, mobres, distribución dos cuartos, etc).

Ademais, agora xa sabemos que non vivimos no piso 1, senón no primeiro (1º). E así con todas as demais plantas, e para que non se nos esqueza creamos este edificio común na que cada un situou o seu nome no piso no que vivía. Algúns encantáballes a idea de compartir casa cos compañeiros, aínda que para iso creo que aínda lles queda moito. De momento conformamonos co edificio compartido da foto.

Roi comparteu con nos un plano da súa casa feito con moita creatividade, de feito creou un gran debate centrado no material do que estaba feito.

Unha historia fantástica

2011-11-15T13:53:00.001-08:00

No obradoiro de lingua coñecimos a diferencia entre as historias reais e as fantásticas a partires dun fermoso libro da editorial Kalandraca, que mantivo aos nenos e nenas superatentos. Que volo conten eles mesmos!

Despois fixeron a súa propia creación xogando coas partes de dous animais distintos. Isto foi o que lles saíu:

E para rematar o día cantamos unha canción que nos permite recordar as 3 partes nas que se divide o noso corpo:

"Coa cabeza podo pensar

a canción que quero cantar;

o tronco podo mover

e o ritmo manter;

as extremidades para bailar,

dar palmas e patalexar.

CABEZA, TRONCO, EXTREMIDADES

AGORA FAINO TI, ÁNIMO RAPACES!"

Máis casas e familias

2011-11-15T13:12:00.000-08:00

Daniel Felipe amosounos unha forma orixinal de reflexar a disposición da súa casa, un longo pasillo azul do que se ían abrindo pestañas coas diferentes habitacións.

Alba María tamén nos ensinou a súa casa e a distribución das habitacións.

Pilar sorprendeunos cunha árbore xenealóxica chea de creatividade na que cada mazá era un membro da súa familia. Encantounos a súa explicación.

E Roi amosounos os membros da súa familia a través de fotografías. Védelo pensativo porque as veces lle costaba recordar o nome dos seus seres queridos, e como tomaba a explicación tan en serio.

As casas do mundo

2011-11-14T13:24:00.001-08:00

Hoxe coñecimos como eran as casas noutros sitios do mundo, e localizamos eses lugares no noso mapamundi.

O libro que nos prestou Pilar axudanos moito, cada día descubrimos un tipo de casa nova. É un excelente libro, sobretodo para o tema que estamos a traballar, os nenos están desexando que abra as súas follas para coñecer as diferentes casas por dentro.

Despois vimos un gracioso vídeo sobre como se constrúe un iglú, facendonos ver o valor da amizade.

Seguimos coñecendo as casas dos peques

2011-11-14T00:00:00.000-08:00

Pilar contounos a distribución da súa casa con gran entusiasmo.

Víctor amosounos un orixinal plano da súa vivenda, podíase ver dende o portal ate a seu piso. E debaixo un debuxo da súa familia, con proporcións e todo.
O que máis nos gustou foi a foto xogando ao axedrez.

Alba tamén se animou e trouxonos un plano moi elaborado da súa casa, co nome de cada dependencia e todo. Quedouche estupendo Alba!

Mochilas viaxeiras

2011-11-11T11:13:00.001-08:00

Este ano vólvese a poñer en marcha o proxecto das mochilas viaxeiras, xa levan dúas semanas funcionando, así que pronto estarán nas vosas casas.

Os que queirades saber máis estade atentos ao blog da biblio no que se irán publicando as fotos dos cativos.
http://bibliocurros.blogspot.com/

Magosto

2011-11-11T10:56:00.001-08:00

Despois da espera chegou o día de San Martiño.

Decoramos os bricks cunha castaña e un dito (algúns xa viñan "superchulis" decorados da casa) e saímos cara o patio.

Alí esperábannos diferentes xogos populares (a ra, os bolos, percorridos con equilibrio, etc) cos que pasamos un rato entretido. (Aínda que teredes que esperar ao luns para ver as fotos, pois foron sacadas coa cámara do cole)

E despois, a comer CASTAÑAS!! O castañeiro da rúa Real veu para asarnolas persoalmente.Qué boas estaban!. E ademais, dende a AMPA deronnos un zume para cada neno/a; así aínda mellor.

Logo da enchenta, xuntámonos todos os de infantil para ver un peli e rematar así o día de festa. (Algún neno ata levou a proba das castañas para darlles os seus pais, así xa me contaredes)

A figura humana

2011-11-09T06:40:00.000-08:00

Co obxectivo de perfeccionar graficamente a figura humana propoñovos que cando realicen debuxos de persoas na casa, lles axudedes a lembrar detalles do corpo: como que entre a cabeza e o tronco temos o pescozo, que as mans teñen 5dedos, que os pes tamén son parte do noso corpo...
Dende a escola tamén estamos a insitir neste aspecto, por iso cada día sairán varios a debuxar no encerado a unha persoa. Non se trata de presentar modelos de debuxo para copiar senón de axudalos a perfeccionar o seu propio. Hai que conservala súa creatividade!

As nosas familias e casas

2011-11-09T06:35:00.000-08:00

Continuamos coñecendo a familia dos nenos e nenas da clase grazas a gran participación e implicación dos pais. Traballaremos arredor deste proxecto todo o mes de novembro, asíque estades aínda a tempo de traer o que se vos ocurra.
Hoxe poidemos coñecer a familia de David, o seu barrio e uns estupendos planos da súa casa (dende o cuarto da auga e os trasteiros ata a piso máis alto onde se atopa o cuarto de comunicacións)

Ramón ensinounos tamén a súa familia, e poidemos ver o seu irmán pequeno. Tamén nos trouxo un plano da súa casa. Todo acompañado dunha fabulosa explicación, na que descubrimos o que son as literas.

Sara convidounos a ver a súa mascota (un peixe de cor laranxa), aínda que o que máis lle gustou foi a "pecera" cos persoaxes de Bob Esponja. Está xenial.
Tamén trouxo unha foto da súa familia, con todos os membros principais. Qué guapos saídes todos.

Cintia amolounos cunha gran cartolina lila que recollía toda a súa árbore xenealóxica, dende a súa prima máis pequena, que aínda non naceu, ata os seus bisavós. Gustoulles moito e serviunos para coñecer mellor as relacións de parentesco.
Dixonos que a levaba para casa para poder así completala. Un gran traballo! Houbo ata quen lle preguntou que como o fixera.

Coñecimos tamén a casa de Cris a través dun plano que ela mesmo deseñou e que nos fixo ter unha idea de como era a súa casa. Estaba xenial.

Rayan fixonos un debuxo da casa que lle gustaría ter: unha granxa rodeada de animais. Non ten mala pinta.

Vai de magosto

2011-11-08T13:15:00.000-08:00

Xa descubrimos porqué as castañas son de dúas cores, marróns e coa parte de abaixo máis clara (case de cor amarelo). Se vos aínda non o sabedes preguntadelle aos peques polo conto de "A castaña que rebentou de risa".

Unha castaña, unha brasa e un feixe de palla son os seus protagonistas e hoxe visitaron a aula para que os nenos lles deran vida.

Despois, Paco tiñanos preparado un xogo parecido á oca pero sobre o Magosto, con dado xigante e todo. Tras a competición, o equipo amarelo quedou gañador.

E para finalizar uns ditos sobre o Magosto: "Polo San Martiño faise o MAGOSTO con castañas asadas e viño"

Reciclamos

2011-11-07T14:55:00.000-08:00

É importante que dende pequenos os nenos vaian tomando conciencia da importancia de coidar o planeta, e para iso o mellor é familiarizarse con hábitos respetuosos co medio no que vivimos.

Hoxe os bolechas ensinaronnos a importancia de reciclar o lixo que producimos. Vimos os tipos de contedores que hai, así como os envases que neles se depositan. Seguro que máis dunha vez os vichedes na rúa.

Para que nos quedase máis claro fixemos un xogo de relevos, no que cada grupo debía pegar imaxes de restos de lixo no contedor correspondente. Mirade como o fixemos!E é que reciclando gañamos todos.

E para que non se quede nun mero aprendizaxe pasaxeiro, a partir de mañá teremos na aula 2 papeleiras nas que separaremos os restos orgánicos dos inorgánicos. Que vos parece?

Animámosvos a poñer o voso gran de area tamén dende casa. É sinxelo e ata divertido.

Asamblea

2011-11-07T13:43:00.000-08:00

Hoxe tivemos unha asamblea moi entretida e chea de novas por parte dos rapaces e rapazas.

- Alba contounos que o domingo foi o seu aniversario. FELICIDADES!
- Sara trouxo información sobre os concertos musicais que terán lugar na cidade facendo mención ao espectáculo "O galo Quirico", que foi ver e encantoulle. Ata nos narrou o conto, que algúns xa coñecían.
Botándolle un ollo ao programa parece moi interesante, ofrece contos intantis musicados, bandas sonoras de películas infantis, música popular, ópera adaptada para nenos/as, etc.

Unha boa opción para pasar un fin de semán de ocio en familia. Se queredes máis información picade eiquí.

- Xiana e Icía ensinaronnos fotos da súa casa e da súa familia en dous xigantes murais que nos deixaron abraidos. Nos tamén queremos unha así!

- Eva colaborou co plano da súa casa, ensinándonos os distintos cuartos. Que casa máis chuli!

E Cintia ensinounos un novo xogo de cores e números.

E e que estes nenos/as sempre teñen que contarnos, e aos demais encántanos escoitar as mil aventuras que lles ocorren.

A casa e a familia

2011-11-06T14:06:00.000-08:00

Comezamos unha nova unidade na que investigaremos sobre as casas (tipos, como cambian en función do lugar onde se atopan, como eran no pasado, como serán no futuro, quen intervén na súa construcción, etc) e sobre as familias (os membros principais, os demais membros, a importancia do cariño e o afecto, os distintos tipos de familias, etc)

Para iso seríanos de gran axuda a vosa colaboración con:
- fotos da familia
- fotos dalgún familiar (tío, bisavoa, sobriño, etc)
- árbore xenealóxica
- información sobre a casa (nº de cuartos, piso, tipo de casa, etc)
- maqueta sinxela
- plano caseiro da súa organización
- etc

Concurso de cabazas

2011-11-02T12:14:00.000-07:00

Moita imaxinación e moita maña deron lugar a estas fermosas cabazas. Nótase que os papis e mamis traballaron duro. Os nenos e nenas votaron para a elixir a máis bonita, aínda que como dicían eles mesmos o importante é participar e pasalo ben.

Tamén percorrimos o cole para ver as cabazas que trouxeron os nosos compañeiros, queredes votar unha ollada?

Por certo, encantounos o modelo de mandilón que trouxeron hoxe David e Cintia, que pasada!

Uhhhhhhhhhhhhhhh!

2011-11-02T11:23:00.000-07:00

Ollos de sapo, patas de ra, así estará o cole toda a semán.

Cornos de dragón, ás de morcego, non nos deu nadiña de medo.

Dentes de serpe, cola de lombriz, botámonos a rir.

Uñas de urraca, patas de araña, os pais vestiron aos nenos con moita maña.

Escoba, escobiña, que cabazas máis bonitiñas.

Caldeiro, caldeirete, pasámolode rechupete.

Os peques viñeron montrousamente espectaculares e ao longo da mañá recibimos varias sorpresas espelucnantes! Fabulosa a vosa colaboración. Noraboa!

Quen son?

2011-11-02T10:37:00.001-07:00

Samaín

2011-10-29T07:09:00.000-07:00

O cole xa está preparado para a volta dos nenos/as o próximo mércores, esperanlles unha chea de sorpresas...Asi que agora a disfrutar dos festivos e coller forzas.

Para aquelas familias que se animen a traer unha cabaza decorada deixovo estas fotos das que podedes coller ideas.

O buzón da aula

2011-10-27T10:17:00.000-07:00

Un novo obxecto apareceu na nosa aula, e é que ahora xa podemos enviar cartas dende a propia aula. Os venres pasará o carteiro a recoller as cartas deste buzón caseiro. Os peques xa comezaron a escribir.

O que se pretende conseguir é fomentar á comunicación entre os nenos/as e espertalo interese polos textos escritos, a partir dunha nova modalidade, a carta.

Cal é o menú de hoxe?

2011-10-27T10:06:00.000-07:00

A nosa clase convertiuse nun improvisado restaurante, pois estamos a traballar a interpretación de diferentes textos, neste caso a información que nos proporciona un menú. Ademais de ampliar o noso vocabulario, repasar os ordinais e aprender a confeccionar menús saudables, pasámolo pipa imitando esta profesión.

Iso si, só tiñamos menú do día, que tal é como están as cousas non estamos pa ter carta (jeje).

Peques famosos

2011-10-27T09:46:00.000-07:00

Os pitufos de 6º xa son grandes xenios, e ata saen no xornal e senón mirade a nova de Cintia participando nunha actividade outonal

Moitas grazas por compartir con nosco as vosas experiencias!

Nova compañeira

2011-10-26T11:25:00.000-07:00

Ao chegar a aula esta mañá, tivemos unha sorpresa inesperada, unha nova alumna chegou a nosa clase, chámase Yanira e seguro que xa vos contaron moitas cousas dela.

Os peques recibirona encantados, Cintia compartiu con ela mesa de ordeador, Dani preocupabase por si ía quedar xa con nos pa sempre, e Pilar preguntoulle se viña das Américas. As conversas entre os nenos dan para moito.

Preparando o samaín

2011-10-25T06:45:00.000-07:00

Hoxe foi un día moi axetreado, deunos tempo a facer moitas cousas. Comezamos a mañá falando da próxima festa que imos celebrar no cole: O SAMAÍN.

E aínda que a maioría xa a coñecen estivemos a investigar un pouco máis desta tradición celta a través da pizarra dixital.Encántalles sair a facer actividades nela.

Despois chegou o profe Paco e contounos o conto de EVA MEJUTO e ANDRÉ LETRIA. "Corre, corre cabaciña" co que riron un montón.

Tamén xogamos ao Bingo do medo con persoaxes terrorificos: unha bruxa, un morcego, unha pantasma, .... Moitos nenos e nenas cantaron bingo!! A alegría foi inmensa, aínda que o premio non tan grande.

E para finalizar coa temática do samaín fixemos manualidades monstruosas para decorar o colexio. O máis entretido foi pintar as mans de pinturas. Algún case morre de risa coas cóxegas.

Despois do recreo, un pouco de matemáticas e finalizamos a mañá falando da tradición da esfollada, aproveitando que Lucía trouxo a aula unha espiga de millo.

PD: Un saúdo a todos os peques que non poideron vir hoxe, e desexarlles que se recuperen pronto.

Vendimiamos

2011-10-21T00:12:00.000-07:00

O venres 21 celebramos a vendimia no cole. Pequenos e maiores gozamos coa recreación desta tradición tan antiga. O zume de uva chegou a pouco, e algúns preguntaban onde estaban as botellas de viño para levarlle aos pais. Estos peques son moito. Deixamosvos as primeiras fotos da nosa vendimia.

(Próximamente poñeranse máis fotos)

O outono

2011-10-17T09:13:00.000-07:00

Comezamos o traballo sobre a estación actual: o outono.
Grazas ás familias por colaborar contandolle cousas aos rapaces e rapazas e traendo a aula debuxos, froitos secos, follas, setas, etc. que nos permitiron coñecer máis de cerca a estación na que estamos.

No cole fixemos un fermoso mural xunto cos compañeiros de 4 anos que puxemos no noso pasillo.

E aprendimos unha marchosa canción con xestos que xa todos sabemos, mirade que ben o facemos.

As normas da aula

2011-10-13T07:35:00.000-07:00

Durante as primeiras semanas de clase establecimos as normas de convivencia da aula, e para non esquecelas debuxámolas, facendo un libro no que quedaron recollidas.

As rutinas

2011-10-12T08:49:00.000-07:00

Gustaríavos saber o que facemos no cole?
Pois ben, dende que chegamos pola mañá ata o medio día realizamos unha serie de rutinas que nos axudan a organizar o tempo e a ser quen de anticipar o que vai a ocorrer en cada momento.
          Seguindo coa costume do carteiro, herdada do ano pasado, cada día hai un encargado/a da aula.

        1º. Ao chegar sacamos os abrigos, poñemos os mandilóns e sentamos na alfombra. Cando xa todos estamos preparados saudámonos cantando:
"¡Buenos días! decimos al llegar,nos damos un besito y nos ponemos a escuchar".

      2º O carteiro/a pasa lista e fai o reconto dos que quedaron na casa.

     3º Miramos no calendario o día no que nos atopamos. E cantamos a canción dos días da semán para lembrar a súa orde. Xa a aprenderon todos/as asíque podedeslles dicir que vola canten. Tamén recordamos o mes e a estación na que estamos. E xa de paso cantamos algunha canción con xestos sobre ela.

4º Anotamos tempo que fai cantando unha canción á ventanita da nosa clase.

5º E por último, establecemos as actividades que imos realizar ao longo do día mirando o noso horario.

Antes de deixar a alfombra adicamos un tempo a contar o que nos pasou a fin de semana, a leer un conto ou a aprender unha nova canción ou baile.

Despois comezamos coas actividades, ás 11:30 imos ao aseo a lavar as mans para merendar e ás 11:55 saímos ao patio. Ao voltar continuamos realizando tarefas ou xogos ata á hora da despedida.

A nosa aula

2011-10-12T07:58:00.000-07:00

A nosa aula está dividida en recunchos nos que facemos as distintas actividades ao longo da mañá. Para que vos fagades unha idea deixovos as seguintes imaxes da súa organización:A aula de 6º de Infantil on PhotoPeach

O primeiro día de clase

2011-10-11T08:52:00.000-07:00

O primeiro día de clase foi de presentacións, reencontro, contacto e xogo. Para recibilos, a clase encheuse de globos de cores, pois este ano as aulas de Educación Infantil están divididas por cores. A nosa é a do globo azul, como veredes na porta da nosa aula. Despois cada un dos nenos/as presentouse e escribiu nun papel o seu nome e aquilo que máis lle gustaba.

BENVIDOS/AS!

2011-10-10T07:52:00.000-07:00

Estades a visitar o blog dos nenos e nenas da clase de 6º de Educación Infantil (5 anos) dun colexio da Coruña, o "Curros Enríquez". Dende aquí gustaríanos compartir con vos o que facemos na nosa aula facéndovos partícipes do noso día a día. Un saúdo e esperamos que vos guste!